و مالو ياخويا مش عيب؟!!!
و مالو ياخويا مش عيب؟!!!
------------------------
في يوم الصبح الساعة 8 بالليل قلت اما افوت علي اللول اشوفه خلص شندوشت الكشري ولا لسه بيدهن الباب جوافة...المهم عديت عليه وطلعت فوق.. فوق السحاب ...(سحاب؟!!!)...اه سحاب و مالو ياخويا مش عيب...
المهم كان السمك هناك بيعاني من ارتفاع حرارة الارض الصلبة و كان في فرقة رضا لانقاذ السمك الغرقان...(سمك غرقان؟!!!)...اه سمك غرقان و مالو ياخويا مش عيب...
المهم رجعت من عند اللول بعد ما اتأكدت ان الحيطان ليها صوابع زينب بنت الجنايني اللي قال لي(قال لك ايه؟)...قال لي و قال لي..انت حتطلعنا من الموضوع ليه دلوقت؟..الجنايني ده سرق الغويشة البلاستيك من درج المشابك بتاع استاذ رمضان ستة اكتوبر...
المهم بعديها رحت اجيب شيفونيها فلهزأ من عند سمارة-يلزم خدمة يا سلطان؟-..لقيت ام سامية قعدة تدبح الكتاكيت اللة يحرسهم جابوا مجموع عالي في ثانوية عامة(كتاكيت في ثانوية عامة؟!!!)...اه كتاكيت في ثانوية عامة و مالو ياخويا مش عيب...المهم بقي المدرسة اللي كانت بتعلمهم القراية والعوم والنبى يأحمد كانت ليها جارة اللهم احفظنا راكبها جوست ياباني من النمسا بس كان مزّة..حتة كدة عشرة علي عشرة زي اللي جابتها الولية ام رباب في امتحان الالسن قسم اللغة الاسكندرانية(اللغة الاسكندرانية؟!!!)...اه اللغة الاسكندرانية و مالو ياخويا مش عيب...مش اللي بني مصر كان في الاصل حلواني؟!!! تسسسسسسسسسب حكم
المهم الست دي اخدت ديلها في ودانها و هووووب اكلت الزبادي قبل ما الطابور يطلع الفصل ويركب الجاموسة الوالدة ...الجاموسة الوالدة دي بقي جابت بقرة-بنت حرام يعني-(جاموسة جابت بقرة؟!!!)...اه جاموسة جابت بقرة... و مالو ياخويا مش عيب بس كانت زي فالقة الشمام الكوري عشان كان عندها زمارة في رجليها اليمين من الشمال وانت داخل عالأوتوستراد قبل متوصل للبحر المالح بتاع اسوان.(البحر المالح بتاع اسوان؟ّ!!!)...اه البحر المالح بتاع اسوان... و مالو ياخويا مش عيب..
المهم العيال زعلوا منها عشان مجبتش معاها العنكبوت النونو اللي راح الغابة يصطاد دبابة بس ملقاش واحدة قام جايب ذبابة(ذبابة؟!!!)اه ذبابة و مالو ياخويا مش عيب...الذبابة دي بقي كانت طرشة عشان مكنش عندها مناخير تسمع بيها فكانت بتعرج و بتتعالج عند دكتور نسا وولادة شاطر اوي اسمه حمو المتريش اصله عقبال امالتك كان عنده عربية بكار نبيتي كدة زي لون السما(نبيتي لون السما؟!!!)...اه نبيتي لون السما و مالو ياخويا مش عيب ...بس ايه كانت سوبر لوكس اصل اللي شطبها كان مبيض محارة قد الدنيا بس يا خسارة مالوش حظ...اصله طلع الخليج وغرق في بير بترول اسود هباب زي قلب ستك ام عماد الندابة اللي كانت بتندب في فرح خالك اما رجع من الحجاز...عقبال كده ما اشوفك في بكالوريوس هندسة كده و تبقى مزراع كده على قناة دريم للمكرونة بالباشميل ام اشطة كده و تبقى زي صلاح العترة اللي اتجوز بنت ام رغدة الوحيدة اللي اسمها مروة...
بس ايه جبلها شئ وشويات...دهب و ياقوت و فلفل اخضر اصلو مدلعها اوي دي لو كانت حتى طلبت حزمة جرجير كان جبهالها تصور؟؟
يللا اروح انا بقى قبل ما اتأخر على الزرافة العورة اللي عضها برص هندي رجله زرقة...هي سمرة شوية--الزرافة مش رجل البرص..اصل انا احب كلامي يبقي واضح--المهم هي سمرة شوية بس العرسان عليها كده زي الفراولة اما بتتسرق يوم الجمعة الساعة سبعة من سوق السيارات..في سوق السيارات بقى كان ساكن عم عبده ، اللي مراته كانت حامل في سنتين و نص و قررت تسمي الواد سيف ، لكن إيه تمت الولادة فجأة في ليلة مولد النبي و عشان كدة سمته تامر
بس المهم....انا مين؟وايه اللي جابني هنا؟!!!....يااااااااه...دي الفرقة صعبة و الاغاني اليوناني حلوة قوي والاحمر طالع موضة السنة اللي فاتت يدينا ويديك طولة العمر...
كتبتها:bat
متأثرة بقول الشاعر:
"قف للمعلم وفه التبجيلا....وان كان لك عند الكلب حاجة قل له يا سيدي"
وعلي رأي المثل:"اقلب القدرة علي فمها...يحتار عدوك فيك"... و مالو ياخويا مش عيب؟!!!
يا كسفتي قدام مدحت و صلاح
------------------------
في يوم الصبح الساعة 8 بالليل قلت اما افوت علي اللول اشوفه خلص شندوشت الكشري ولا لسه بيدهن الباب جوافة...المهم عديت عليه وطلعت فوق.. فوق السحاب ...(سحاب؟!!!)...اه سحاب و مالو ياخويا مش عيب...
المهم كان السمك هناك بيعاني من ارتفاع حرارة الارض الصلبة و كان في فرقة رضا لانقاذ السمك الغرقان...(سمك غرقان؟!!!)...اه سمك غرقان و مالو ياخويا مش عيب...
المهم رجعت من عند اللول بعد ما اتأكدت ان الحيطان ليها صوابع زينب بنت الجنايني اللي قال لي(قال لك ايه؟)...قال لي و قال لي..انت حتطلعنا من الموضوع ليه دلوقت؟..الجنايني ده سرق الغويشة البلاستيك من درج المشابك بتاع استاذ رمضان ستة اكتوبر...
المهم بعديها رحت اجيب شيفونيها فلهزأ من عند سمارة-يلزم خدمة يا سلطان؟-..لقيت ام سامية قعدة تدبح الكتاكيت اللة يحرسهم جابوا مجموع عالي في ثانوية عامة(كتاكيت في ثانوية عامة؟!!!)...اه كتاكيت في ثانوية عامة و مالو ياخويا مش عيب...المهم بقي المدرسة اللي كانت بتعلمهم القراية والعوم والنبى يأحمد كانت ليها جارة اللهم احفظنا راكبها جوست ياباني من النمسا بس كان مزّة..حتة كدة عشرة علي عشرة زي اللي جابتها الولية ام رباب في امتحان الالسن قسم اللغة الاسكندرانية(اللغة الاسكندرانية؟!!!)...اه اللغة الاسكندرانية و مالو ياخويا مش عيب...مش اللي بني مصر كان في الاصل حلواني؟!!! تسسسسسسسسسب حكم
المهم الست دي اخدت ديلها في ودانها و هووووب اكلت الزبادي قبل ما الطابور يطلع الفصل ويركب الجاموسة الوالدة ...الجاموسة الوالدة دي بقي جابت بقرة-بنت حرام يعني-(جاموسة جابت بقرة؟!!!)...اه جاموسة جابت بقرة... و مالو ياخويا مش عيب بس كانت زي فالقة الشمام الكوري عشان كان عندها زمارة في رجليها اليمين من الشمال وانت داخل عالأوتوستراد قبل متوصل للبحر المالح بتاع اسوان.(البحر المالح بتاع اسوان؟ّ!!!)...اه البحر المالح بتاع اسوان... و مالو ياخويا مش عيب..
المهم العيال زعلوا منها عشان مجبتش معاها العنكبوت النونو اللي راح الغابة يصطاد دبابة بس ملقاش واحدة قام جايب ذبابة(ذبابة؟!!!)اه ذبابة و مالو ياخويا مش عيب...الذبابة دي بقي كانت طرشة عشان مكنش عندها مناخير تسمع بيها فكانت بتعرج و بتتعالج عند دكتور نسا وولادة شاطر اوي اسمه حمو المتريش اصله عقبال امالتك كان عنده عربية بكار نبيتي كدة زي لون السما(نبيتي لون السما؟!!!)...اه نبيتي لون السما و مالو ياخويا مش عيب ...بس ايه كانت سوبر لوكس اصل اللي شطبها كان مبيض محارة قد الدنيا بس يا خسارة مالوش حظ...اصله طلع الخليج وغرق في بير بترول اسود هباب زي قلب ستك ام عماد الندابة اللي كانت بتندب في فرح خالك اما رجع من الحجاز...عقبال كده ما اشوفك في بكالوريوس هندسة كده و تبقى مزراع كده على قناة دريم للمكرونة بالباشميل ام اشطة كده و تبقى زي صلاح العترة اللي اتجوز بنت ام رغدة الوحيدة اللي اسمها مروة...
بس ايه جبلها شئ وشويات...دهب و ياقوت و فلفل اخضر اصلو مدلعها اوي دي لو كانت حتى طلبت حزمة جرجير كان جبهالها تصور؟؟
يللا اروح انا بقى قبل ما اتأخر على الزرافة العورة اللي عضها برص هندي رجله زرقة...هي سمرة شوية--الزرافة مش رجل البرص..اصل انا احب كلامي يبقي واضح--المهم هي سمرة شوية بس العرسان عليها كده زي الفراولة اما بتتسرق يوم الجمعة الساعة سبعة من سوق السيارات..في سوق السيارات بقى كان ساكن عم عبده ، اللي مراته كانت حامل في سنتين و نص و قررت تسمي الواد سيف ، لكن إيه تمت الولادة فجأة في ليلة مولد النبي و عشان كدة سمته تامر
بس المهم....انا مين؟وايه اللي جابني هنا؟!!!....يااااااااه...دي الفرقة صعبة و الاغاني اليوناني حلوة قوي والاحمر طالع موضة السنة اللي فاتت يدينا ويديك طولة العمر...
كتبتها:bat
متأثرة بقول الشاعر:
"قف للمعلم وفه التبجيلا....وان كان لك عند الكلب حاجة قل له يا سيدي"
وعلي رأي المثل:"اقلب القدرة علي فمها...يحتار عدوك فيك"... و مالو ياخويا مش عيب؟!!!
يا كسفتي قدام مدحت و صلاح
posted by Polka Dotted at 11:44 AM
7 Comments:
وماله مش عيب المهم تقللي الصبح من شرب البقسماط علشان بيجيب تراب في الشكمان
:p
صحيح عشنا وشوفنا ظرافة برقبة طويلة
حلو موت ... بتفكرنى بمونولوج عادل ادهم فى فيلم تيتانيك لما طلع احول وراح لدكتور السنان عمله طقم سفره ماعجبش حماته قام مطلقها و قعد يغنى
انت مشكله
ana bardo eli moshkela ya bahz beh :D omal enta teb2a eh ... kefaia enak Bahz (ana basma3 el name da ba3od d7ak :D)
w kaman bayen en mawahbak gamda fil fann el adaby (according leli enta katabto fil comment dah)
Walahy fe3lan enty moshkela, we 3ala ra2y el masal, mara wa7ed ra7 lel ba2al 2alo 3andak 7alawa, 2alo leh howa enta fakerny motosekl 2am el dolab we2e3
eih eih eih !
eihl 7ashesh ely fel blog da kolo :D
انتي مالكيش حل
لو انتي اللي مالفة الكلام ده استمري و ربنا يوفقك و لازم تكتبي اكتر
انا فعلا مت علي روحي من الضحك
وقعت من عالكرسي
انت ضحكتيني اكتر من اي فلم انا شفته
حتي افلام سعد و حلمي و كل الجروب ده
ربنا يحميكي
gameeeeeeeeeeed
gedan
Post a Comment
<< Home